في البداية احب ان اذكر لماذا سميت هذه التدوينة "عمل صبغة على المسالك في القصر العيني " وليس "عمل صبغة على المسالك "
لان الجزء الاكبر في موضوعي يتحدث عن الخدمة في هذه المستشفي
في البداية حسيت بمغص في كلا من جانبي الايمن والايسر فقمت بعمل فحوصات فثبت في السونار انه يوجد كيس ماء علي الكلي
فتم تحويلي على دكتور المسالك وكتب لي على عمل صبغة على المسالك وكانت في المستشفي الجامعي ذهبت لعمل الصبغة فوجدت
أن الجهاز معطل ونم تحويلي على مستشفي القصر العيني لعمل الصبغة هناك بالمجان ,
البداية
ذهبت الي مكتب العلاج بأجر هناك لاستكمال ورق التحويل تنقلت من مبني لمبني ومن دور الي دور لا ادري لماذا كل هذا العناء
وتسألت لنفسي لماذا كل اجراء لاستكمال الورق بعيد عن الاخر لماذا لا يضعون الغرق الادارية هذه بجوار بعض وخصوصا ان
الذي يكشف انسان مريض لا يتحمل عمل جهد مثل ما فعلتة وفي النهاية قالو لي اذهب الي غرفة 34 في الدور الثالث لآخذ معاد
طلعت الدور الثالث ودورت على غرفة 34 لم اجدها وسألت الامن هناك عن الغرفة فقالي امشي علي طول في الدور رجعت تاني
وملقتهاش رحت داخل غرفة ومسكت الاشعة وسالت الدكتور اللي فيها فين اعمل الاشعة دي فقالي اذهب الي غرفة 29 ! وبالفعل
ذهبت واخذت ميعاد وكان بعدها بيومين واخذت وورقة بالتعليمات وهي اكل في الفطار والعداء والعشاء عيش فينو ومربي او عسل
او بطاطس مسلوقة واخذ 10 اقراص ديسفلاتيل بعد الساعة 12 ظهرا وشرب بعد العشاء بساعة شربة زيت خروع مع كوب حلبي
حصي
وذهبت في اليوم المحدد الساعة 8 صباحا زي ما حددولي واعطيت هناك للموظفة الورق وقالتلي استني هنندهلك كمان شوية
وانتظرت ومحدش ندهلي ورجعتلها قالتلي احنا هنندهلك اقعد في الاستراحة الساعة بقت الساعة 10 رحت للموظفة لقيت
الورق تبعي محظوط على المكتب قلتها الورق ده بتاعي اية نظامة قالتي ايوة ايوة روح بية غرفة كذا روحت هناك سالني الممرض
عن اي حساسية او اي ان كان عندي تبول لاارادي ودخلت غرفة الاشعة وبها اتنين مرضين , ممرض قال للمرض الاخر وهو
بيحضر الحقنة مش هتستني الدكتور قاله دكتور اية عاوزين نخلص وبداء في اعطائي الحقنة في يدي وفي نفس الوقت الذي كان
يعطني الحقنة قام الممرض الاخر بربط حزام على بطني بشده فما كان مني الا ان اصرخ من شدة ربطة الحزام ,
وقالي الممرض هي الحقنة بتوجع كدة قولتة الرابطة على بطني جامدة راح قال للمرض استني كنت استني لما اديلة الحقنة
وسالني انت حاسس بالحقنة بتجري في ايدك قولتة لا قالي طيب حاسس بمرارة في فمك قوله لا , رد وقال غريبة !
وتركوني وحدي بالغرفة وكان الحزام شادد علي جنبي الايمن بطريقة مولمة جدا ورجع فك الحزام وقالي اشرب ميه و تعالي لما تكون
عايز تدخل الحمام , الساعة بقت واحده وانا لسة مش عاوز ادخل الحمام فضلت اشرب في عصائر لان وقت انتهاء العمل قرب
واستكملت باقي الاشعة وفي وقالي خلاص تقدر تمشي
قولتة عاوز افك الكانيول اللي في ايدي قالي اذهب الي غرفة الممرضات في اخر الطرقة رحتلهم لقيتهم
قاعدين يتكلموا مع بعض قولتهم لو سمحت ممكن حد يفكلي دي قالتي روح الغرفة اللي في اول الطرقة
قولتهم الممرض هو اللي اللي بعني هنا انتوا هتفضلوا تعبعتوني لبعض ودة يقولي اخر الطرقة واول الطرقة ردت وقالت انت عاوز
اية قولتها مش دي غرفة الممرضات قالتي لا مش دي اول غرفة في اول الطرقة هي غرفة الممرضات رحت اول الطرقة لقيتها
غرفة المدير ومفهاش حد وفي وشها غرفة لمكتب فية موظفة قولتها فين غرفة الممرضات قالتي في اخر غرفة في الطرقة قولتها هما
اللي بعتني هنا قالتي انت عاوز منهم اية قولتها اشيل الكانيول قالتي شلها بنفسك دول بشوات !
وشلتها ومشيت
"نهاية الموضوع لو هتعمل حاجة في القصر العيني وانت تعبان خد معاك شخص صديق او قريب علشان اجرأتهم بتضاعف التعب انا دخلتها وانا بعاني من الم في رجلي
خرجت منها بعرج "
0 التعليقات:
إرسال تعليق